Kórónaveira: Leiðbeiningar fyrir Visa korthafa

Mikilvægar upplýsingar fyrir þá sem greiða með Visa debet eða kreditkorti

Kórónaveirufaraldurinn (COVID-19) hefur nú veruleg áhrif á daglegt líf og hvernig við greiðum fyrir vörur og þjónustu, sem lýsir sér m.a. í aukinni verslun á netinu og röskun ferðabókana, sem gott er að vita hvernig best sé að bregðast við.

Til að hjálpa korthöfum okkar á þessum óvissutímum viljum við benda á tiltekið úrræði sem þeim stendur til boða vegna færslna sem framkvæmdar eru með Visa kortinu þeirra og ágreiningur ríkir um, nánar tiltekið bakfærslur. Að auki er hér að finna nokkrar almennar ábendingar sem koma að gagni við hinar síbreytilegu aðstæður sem við nú stöndum frammi fyrir.

Hvað er bakfærsla, og hvernig athuga ég hvort það sé eitthvað sem ég get nýtt mér?

Man making Visa Chargeback card payment via mobile

Bakfærsla er leið fyrir þig til að krefjast endurgreiðslu ef þú færð ekki vöru eða þjónustu sem þú greiddir fyrir, til dæmis ef viðkomandi smásöluaðili eða birgir verður gjaldþrota. Bankinn sem gaf kortið þitt út reynir þá að endurheimta féð frá viðskiptabanka smásöluaðilans fyrir þína hönd.

Bakfærslur eru ekki lögbundinn réttur, en ef þú greiddir með Visa debetkorti eða kreditkorti getur þú spurt bankann sem gaf kortið þitt út hvort þetta úrræði sé í boði, og hann getur svo sent viðskiptabanka smásöluaðilans beiðni.

Hvenær og hvernig get ég gert kröfu um bakfærslu?

Áður en þú getur krafist bakfærslu þarft þú fyrst að reyna að leysa úr ágreiningnum við seljandann. Ef það ber ekki árangur, getur bakfærsla gert útgefanda þínum kleift að veita þér endurgreiðslu við ýmsar aðstæður, til dæmis:

ef þú fékkst ekki vöruna eða þjónustuna sem þú greiddir fyrir, til dæmis ef viðkomandi fyrirtæki varð gjaldþrota

ef varan eða þjónustan reyndist gölluð, svikin eða ófullnægjandi (í slíku tilfelli þarftu að skila vörunni til að fá endurgreiðslu)

ef röng fjárhæð var gjaldfærð á kortið þitt, eða ef kortið var gjaldfært í tvígang fyrir mistök

ef endurtekin greiðsla er gjaldfærð á kortið þitt eftir að þú sagðir upp áskrift.

Ferðaraskanir vegna kórónaveirunnar

Vegna hinnar hröðu útbreiðslu COVID-19 og síbreytilegra aðstæðna er nú uppi fordæmalaus óvissa um ferðir sem fólk átti bókaðar. Þess vegna höfum við sett saman leiðbeiningar sem hjálpa þér að átta þig á hvaða úrræði séu í boði, ef ferðaplön þín hafa raskast:

: Í slíku tilfelli ættir þú alltaf að hafa fyrst samband við viðkomandi flugfélag, hótel eða ferðaskrifstofu. Þar færðu upplýsingar um hvaða reglur gildi hjá þeim um slíkar aflýsingar.

Ef það ber ekki árangur af einhverjum ástæðum og þú bókaðir með Visa korti stendur annað úrræði þér mögulega til boða. Við slíkar aðstæður gæti bakfærslu ferlið sem lýst var hér að framan komið að gagni.
: Þú ættir alltaf fyrst að hafa samband við flugfélagið þitt eða ferðaþjónustuaðila þinn. Margir slíkir aðilar fylgjast stöðugt með COVID-19 ástandinu og hafa þegar fellt niður flug og ferðir, og í slíkum tilfellum ætti þér alltaf að bjóðast endurgreiðsla, eða aðrar dagsetningar ef þú ákveður að halda bókun þinni.
: Ákvörðun um þetta er í höndum útgefanda ferðatryggingarinnar, en það er líklegra að þú sért tryggð/ur ef þú keyptir ferðatryggingu áður en COVID-19 varð þekktur atburður. Farðu gaumgæfilega yfir skilmála tryggingar þinnar og gakktu úr skugga um hvaða viðbótarvernd þú keyptir, áður en þú hefur samband við útgefanda tryggingarinnar.

Ef þú keyptir ferðatryggingu áður en breska utanríkisráðuneytið (Foreign and Commonwealth Office - FCO) gaf út nokkrar aðvaranir vegna COVID-19, er hugsanlegt að tryggingin bæti tjón þitt. Athugið að tryggingakröfuferlið ræðst einnig af dagsetningu ferðar þinnar. Ef þú bókaðir ferð síðar á árinu á stað sem óheimilt er að ferðast til sem stendur þarftu sennilega að bíða þar til hótelið / flugfélagið / ferðaskrifstofan ákveður hvort ferðinni verði aflýst áður en þú getur hafið kröfu- eða endurgreiðsluferli.

Ef þú keyptir ekki sérstaka ferðatryggingu, getur verið skynsamlegt að athuga hvort slík fríðindi fylgi bankareikningi þínum. Stundum er ferðatrygging innifalin í bankareikningi.
: Sem stendur breytist ástandið vegna COVID-19 faraldursins frá degi og til dags, og jafnvel frá klukkustund til klukkustundar. Þess vegna er mikilvægt að fylgjast með leiðbeiningum viðeigandi aðila. Hér eru ábendingar um nokkrar vefsíður sem gætu hjálpað þér að taka ákvörðun:

Á ferðasíðum sveitarfélaga er að finna opinberar upplýsingar um ferðatakmarkanir og hvaða reglur gildi miðað við stöðuna í dag.

Alþjóðaheilbrigðismálastofnunin (World Health Organization)veitir upplýsingar um aðgerðir og varúðarráðstafanir sem rétt er að grípa til, svo og nýjustu upplýsingar um COVID-19 faraldurinn.

Til að veita upplýsingar um stöðuna á heimsvísu og hvaða ferðatakmarkanir gilda í hverju ríki, hefur Aljóðasamband flugfélaga (IATA) gefið út alþjóðlega samantekt um allar takmarkanir sem nú eru í gildi.